Úndistanda leopard úsh jasar balany ný ormanǵa súırep áketti
ASTANA. QazAqparat - Úndistannyń soltústigindegi Djammý jáne Kashmır shtatyndaǵy turǵyn úılerdiń birine jabaıy leopard shabýyldap, kishkentaı balany súırep áketken. Bul týraly jabaıy tabıǵatty qorǵaý qyzmetkerlerine silteme jasap NDTV telearnasy habarlaıdy.
Úsh jastaǵy Vasım Akram jyrtqysh úıge kirgende as úıde, sheshesiniń kóz aldynda bolǵan. Aıaq astynan úıge kirgen leopard balany tistelep súıretken kúıi ormanǵa kirip, joq bolǵan. Biraz ýaqyttan soń balanyń bassyz denesi tabylǵan.
Jergilikti turǵyndardyń aıtýynsha, sońǵy eki aıda osymen úshinshi ret ańdar adamdarǵa shabýyldaǵan. Jýyrda ǵana osy aýdannyń segiz jasar balasy qurban bolǵan.
Resmı derekterge qaraǵanda, Úndistandy mekendeıtin leopardtardyń sany qazir 12-14 myń aralyǵynda.
