Úndistanda laı kóshkininen qaza tapqandar sany 150-ge jýyqtady
NЬıÝ-DELI. TASS-QazAqparat – Úndistannyń soltústiginde tolassyz nóser men kóshkinnen 145 adam qaza tapty. Bul jaıynda India Today telearnasy jarııalady, dep habarlaıdy QazAqparat TASS-qa silteme jasap.
Maýsym aıynyń sońynda Úndistannyń soltústiginde jańbyr maýsymy bastaldy.
8-10 shilde aralyǵynda óńirde Jerorta teńizi aımaǵynan ylǵaldy aýa massasynyń aǵynymen mýssondy jańbyrdyń úılesýine baılanysty aımaqqa nóser jaýdy.
Jaýyn-shashyn Delı ulttyq elorda okrýgine, Hımachal-Pradeshke, Ýttarakhandqa, Pendjabqa, Harıanǵa, Radjasthanǵa, Djammý men Kashmırdiń odaqtas terrıtorııasyna jaýdy.
Hımachal-Pradesh úkimetiniń málimeti boıynsha, 24 maýsym men 13 shilde aralyǵynda 91 adam qaza tapty. 600-den astam ǵımarat tolyǵymen qırap, myńnan astamy zaqymdaldy.
Shyǵyn júzdegen mıllıon dollarǵa baǵalandy. Joldardyń shaıylýyna baılanysty birneshe júzdegen týrıst evakýatsııalanýǵa májbúr boldy.
Meteorologtar shtatta aldaǵy kúnderi jańbyr jaýady dep boljap otyr, sonymen qatar kórshi Ýttarakhandta aıtarlyqtaı jaýyn-shashyn jaýýy múmkin.
Qatty jańbyrdan Delı arqyly ótetin ıAmýna ózenindegi sý deńgeıi rekordtyq kórsetkishke - 208,66 metrge deıin jetti.
Bılik 24 myńǵa jýyq adamdy evakýatsııalady.
Eske sala keteıik, keshe Úndistannyń soltústiginde mýsson jańbyrynan keıingi tasqynnan 100-den asa adam kóz jumǵanyn habarlaǵan edik.
