Úndistanda qurylys nysany opyrylyp, 27 adam qaza boldy
ASTANA. 5 sáýir. QazAqparat - Mýmbaıdyń qala mańyndaǵy aýdandarynyń birinde qurylysy júrip jatqan nysan opyrylyp qulady.
Tótenshe jaǵdaı saldarynan 27 adam kóz jumyp, 50-den astamy jaraqattandy, dep habarlady RBK.
Jeti qabatty nysan jergilikti ýaqyt boıynsha tańǵy saǵat 06:30 (Máskeý ýaqytymen 05:00) qırady. Ondaǵan adam úıindiler astynda qaldy. Polıtsııanyń málimetinshe, ǵımaratta bolǵan adamdar qurylysshylar otbasylarynyń músheleri.
Oqıǵaǵa kýá bolǵandardyń aıtýynsha, nysan 3-4 sekýndtyń ishinde úıindige aınaldy. Úndistandyq BAQ málimetterinshe, qurylys jumystary zańsyz júrgizilgen.
Aıta keteıik, Úndistanda qurylysy qolǵa alynǵan nysandardyń opyrylyp qulaýy jıi tirkeledi. Oǵan sapasyz qurylys materıaldary men biliksiz mamandardyń tartylýy sebep bolyp otyr. 2012 jyldyń jeltoqsanynda Vagholı qalasynda qurylysy júrip jatqan úı opyrylyp, 13 adam jan tásilim etti.
