Úndistanda qurǵaqshylyq zardabyn 330 mln adam tartyp otyr
ASTANA. QazAqparat - Úndistannyń batysy sońǵy 40 jyldan beri qurǵaqshylyq qursaýynan shyǵa almaı keledi, www.24.kz.
Osynyń kesirinen 330 mıllıonnan astam adam zardap shegip otyr. Bárinen de qant qyzylshasy men maqta ósiretin sharýalar tyǵyryqqa tirelgen. Juttan qyrylyp jatqan mal sanynda esep joq. Onyń ústine, eńbekke qabiletti jastar qarttar men balalardy aýyldarda jalǵyz qaldyryp, kúnkóris úshin ózge óńirlerge ketýge májbúr. Jergilikti polıtsııa bir jyldyń ishinde myńnan astam adamnyń óz-ózine qol jumsaǵanyn rastady. Úndi bıligi aımaqqa turaqty qatynap, ár 8 kún saıyn aýyz sý jetkizetin arnaıy poıyz júrgizse de, ahýal áli kúnge deıin jaqsarmaı otyr. Sınoptıkter aldaǵy 2 aıda temperatýra baǵany 40 gradýsqa deıin kóteriledi dep boljaıdy.
