Úndistanda kún sáýlesiniń qýatymen júretin poıyz shyǵarylmaq
ASTANA. QazAqparat - Taıaý jyldarda Úndistan temirjoldarymen kún sáýlesiniń qýatymen júretin poıyz júıtkıtin bolady. Bul týraly Indııanyń ǵylym jáne tehnologııa mınıstri Harsh Vardhan aıtty, dep habarlaıdy TASS.
Onyń sózine qaraǵanda, jańa tehnologııa boıynsha jasalyp jatqan poıyzdy Integral Coach Factory vagon shyǵaratyn kompanııasy men Chennaıdaǵy (eldiń ońtústigindegi Tamılnad shtatynda ornalasqan) Úndistan tehnologııa ınstıtýty (IIT Madras) birlesip qurastyryp jatyr.
Kúnnen qýat alatyn taqtaıshalar ár vagonǵa ornatylatyn bolady. Alǵashqy kezeńde ol poıyzǵa qajet energııanyń 15 paıyzyn qamtamasyz ete alady. Al poıyz toqtap turǵan ýaqytta óndiriletin energııa ulttyq jelige jiberilip otyrady eken.
