Úndistanda qýatty jer silkinisi boldy
ASTANA. QazAqparat - AQSh geologııalyq qyzmeti Úndistannyń soltústik-shyǵysynda, eldiń Bırma men Bangladesh shekarasyna taıaý mańynda qýatty jer silkinisi bolǵanyn tirkedi, dep habarlady Bı-bı-sı.
Áýeli onyń qýaty 6,8 ball dep kórsetilgen edi, keıin 6,7 ballǵa deıin tómendetildi.
Seısmologtardyń atap ótýinshe, jer silkinisiniń oshaǵy Únlistannyń Manıpýr shtatynyń astanasy - Imphaldan soltústik batysqa qaraı 33 shaqyrym jerde boldy.
Kúshti jer dúmpýi jergilikti ýaqytpen tańǵy saǵat 4:35-tiń shamasynda sezilgen.
Kóptegen bengaldyqtar úıdiń qulaýynan qorqyp, syrtqa qashyp shyqqan.
Amerıkandyq geologtar dúmpýdi aımaqtyń 98 mıllıonǵa jýyq turǵyny sezingenin atap ótedi.
Seısıkalyq belsendilik tutastaı alǵanda Eýrazııalyq jáne Úndistan lıtosferalyq taqtatastarynyń arasyndaǵy shekarada ornalasqan aımaqqa tán. Bul taqtatastar jylyna 5-6 santımetr jyldamdyqpen bir-birine qarsy jyljyp otyrady.
2005 jyly pákistandyq Kashmırdegi terbelisi 7,6 balldyq jer silkinisi 75 myń adamnyń ómirin qıyp ketken bolatyn.
2015 jylǵy sáýirde Nepalda bolǵan qýatty jer silkinisinde 9 myń adam qaza boldy, 900 myńǵa tarta úıler qırady nemese búlinshilikke ushyrady.
