Úndistanda qýatty tsıklonnan 5 adam mert boldy, 10 mln-ǵa jýyǵy zardap shekti
NЬıÝ-DELI. QazAqparat - Sársenbi kúni Úndistannyń shyǵysyndaǵy Odısha jáne Batys Bengalııa shtattarynda «ıAas» qýatty tropıkalyq tsıklonnyń soqqysynan aǵashtar qulap, úıler qırap, saldarynan kem degende bes adam qaza tapty, dep habarlaıdy QazAqparat.
ANI agenttiginiń beısenbi kúngi málimetine qaraǵanda, Odısha men Batys Bengalııada tsıklonnan tórt adam qaza tapqan.
Odıshada tórt metrlik tolqyndar men nóser jaýyn saldarynan jaǵalaý jáne oıpattaǵy aýdandarda ornalasqan 130-ǵa jýyq kentti sý basqan. Shtattyń bas mınıstri Navın Patnaık zardap shekken eldi mekenderdiń turǵyndaryn azyq-túlikpen jáne aýyzsýmen qamtamasyz etip, jaǵalaýdaǵy aýdandarmen kólik qatynasy men elektr jabdyqtalýyn qalpyna keltirý sharalaryn qoldanýdy tapsyrdy.
Batys Bengalııa bıligi apat saldarynan shtatta 10 mln-ǵa jýyq adamnyń zardap shekkenin habarlady. «ıAas» saldarynan turǵyn úıler qırap, joldardy sý basqan, tsıklon aýyl sharýashylyǵynyń túrli sektorlaryna aıtarlyqtaı shyǵyn keltirdi.
