Úndistanda QR dıplomatııalyq qyzmetiniń 25 jyldyǵy atap ótildi

BEIJІŃ-DELI. QazAqparat - Úndistannyń Nıý-Delı qalasynda Qazaqstan Respýblıkasynyń dıplomatııalyq qyzmetiniń 25 jyldyǵyna arnalǵan saltanatty shara ótti, dep habarlaıdy «QazAqparat» HAA Qytaıdaǵy menshikti tilshisi.

Jıynǵan Úndistannyń joǵary jáne tómengi palatasynyń depýttary, Syrtqy ister mınıstrliginiń qyzmetkerleri jáne basqa da organdarynyń mamandary, BAQ ókilderi qatysty.

Keshtiń qurmetti qonaǵy Úndistan Syrtqy ister mınıstrligi Eýrazııa departamentiniń  dırektory G.Shrınıvas Qazaqstandyq dıplomattardy ataýly merekemen quttyqtaı kele, jaqynda ótken premer-mınıstr Narendry Modıdiń Astanaǵa resmı saparyn jáne eki el arasyndaǵy qarym-qatynastar deńgeıin joǵary baǵalady.

Jıyn barysynda sóz alǵan QR Úndistandaǵy Elshisi Bolat Sársenbaev Qazaqstannyń  shırek ǵasyr ishinde halyqaralyq arenada ózin senimdi jáne jaýapty seriktes retinde kórsete alǵandyǵyn aıtty.

Sondaı-aq Elshi qazirgi kezde Qazaqstan álemniń 180-ge jýyq elimen dıplomatııalyq qarym-qatynas ornatqandyǵyny jáne Syrtqy ister mınıstrligi EXPO-2017, AEF, Eýrazııalyq medıa forým sııaqty halyqaralyq  is-sharalarǵa belsendi atsalysyp kele jatqandyǵyn tilge tıek etti.