13:31, 04 Shilde 2022 | GMT +5
Úndistanda kóshkinnen qaza tapqandar sany artty
NUR-SULTAN. QazAqparat - Úndistannyń Manıpýr shtatynda bolǵan kóshkinnen qaza tapqandar sany 42 adamǵa jetti. Bul týraly QazAqparat The Tribune basylymyna silteme jasap habarlaıdy.
Tabıǵat apatynan kóz jumǵandardyń 27-si áskerı qyzmetkeri jáne 15-i beıbit turǵyn bolǵan. Nonı aımaǵynda temirjol qurylys alańyndaǵy kóshkinnen qaza tapqandar sany artty. Jeksenbi kúni úıindi astynan taǵy segiz adamnyń máıiti tabyldy. Senbiden beri jaýǵan nóser jaýyn men jańa kóshkin izdestirý jumystaryna kedergi keltirgendikten 20 adam áli tabylmaı jatyr. Aýmaqtyq armııanyń 13 qyzmetkeri men bes beıbit turǵyn qutqaryldy.
Birneshe apta boıy tolassyz jaýǵan jańbyr saldarynan Úndistannyń soltústik-shyǵysynda kóshkin bolyp, kem degende 14 adam qaza tapty jáne 30-dan astamy iz-túzsiz joǵalǵany týraly buǵan deıin habarlandy.