Úndistanda kóshkinnen 20 adam qaza tapty
NЬıÝ-DELI. INDIA TODAY - QazAqparat – Seısenbi kúni Úndistannyń Assam, Kashar, Karımgandj jáne Haılakandı aýdandarynda bolǵan kóshkin saldarynan kem degende 20 adam, sonyń ishinde kámelet jasyna tolmaǵan balalar qaza tapty. Bul týraly QazAqparat India Today agenttigine silteme jasap habarlaıdy.
Qaza tapqandardyń jeteýi - bir otbasy músheleri. Olar seısenbi kúni tańerteń Kasharda tolassyz jaýǵan jańbyrdan keıingi kóshkin kezinde mert boldy. Adamdar qıraǵan úılerdiń astynda qalyp qoıǵan. Jergilikti turǵyndar polıtsııa qyzmetkerlerine olardyń denesin úıindi men laıdyń astynan alyp shyǵýǵa kómektesti.
Basqa alty adam, sonyń ishinde bir otbasynyń bes múshesi Karımgandj aýdanyndaǵy kóshkin kezinde mert boldy. On adam jaraqat alyp, aýrýhanaǵa jatqyzyldy.
Taǵy jeti adam Haılakandı aýdanyndaǵy eki kóshkin kezinde qaza tapty.
Budan bólek, Úndistan Arab teńiziniń ústindegi tsıklon týraly habarlady. Sınoptıkterdiń aıtýynsha, Nısarga tsıklony Mýmbaı qalasyna jaqyndap keledi. Onyń saldarynan Maharashtra birneshe bóligi men Gýdjarata ońtústik bóliginde tolassyz jańbyr jaýýy múmkin.
Tsıklon Úndistannyń batys jaǵalaýyndaǵy basqa da aýdandarda, sonyń ishinde soltústik Kerala, Karnataka men Goada jańbyr jaýýyna yqpal etýi yqtımal.
