Úndistanda koronavırýstan bir táýlikte 4 myńǵa jýyq adam qaıtys boldy
NUR-SULTAN. QazAqparat - Oman Sultanatynda bılik medıtsına qyzmetkerlerine pandemııa kezinde jumystan shyǵýǵa tyıym saldy. Bul týraly QazAqparat QR Úkimeti janyndaǵy Qazaqstanda koronavırýstyń taralýyna jol bermeý jónindegi vedomstvoaralyq komıssııanyń Telegram kanalyna silteme jasap.
Bul talaptyń engizilýi COVID-19 vırýsynyń jańa jaǵdaılarynyń kóp tirkelýimen jáne jergilikti aýrýhanalardyń medıtsınalyq qyzmetkerlerine artylǵan júktemeniń ulǵaıýymen baılanysty. Úkimet tyıym salýdyń dál qazirgi ýaqytta eń qajetti shara ekenin aıtady.
Frantsııa kelýshiler mindetti túrde karantınnen ótkiziletin elderdiń tizimin keńeıtedi. Mundaı sharalar koronavırýstyń jańa shtamdarynyń taralýyn boldyrmaý maqsatynda qabyldanýda. Buǵan deıin bılik Brazılııa, Úndistan, Chılı, Ońtústik Afrıka Respýblıkasy, Argentına jáne Gvıanadan kelgender úshin mindetti 10 kúndik karantın belgileý týraly jarlyq shyǵarǵan bolatyn.
Kambodja Úkimeti buqaralyq aqparat quraldaryna «qyzyl» aımaqtardaǵy oqıǵalardy jarııalaýǵa jáne jedel járdem kólikterin túsirýge tyıym saldy, sebebi el ınfektsııanyń rekordtyq ósýimen kúresýde. Bılik aýrýhanalarda tósek oryndardyń jetispeýshiligine baılanysty mektepter men banket zaldaryn medıtsınalyq ortalyqtarǵa qaıta beıimdep jatyr.
6 mamyrdan bastap Bavarııa bıligi COVID-19-ǵa qarsy vaktsınalanǵan adamdar úshin áleýmettik shekteýlerdi alyp tastaıdy. Bul týraly aımaq basshysy baspasóz máslıhatynda málimdedi. Ol ekpe saldyrǵan jáne aýyryp jazylǵan adamdar týys-tanystarymen kedergisiz kezdesýlerge bara alatyndyǵyn jáne olarǵa komendanttyq saǵat talaptary qoldanylmaıtynyn, mekemeler men dúkenderge barǵan kezde PTR testiniń nátıjeleri talap etilmeıtindigin atap ótti. Bavarııanyń qalǵan turǵyndary úshin komendanttyq saǵat áli de 22:00-den 05:00-ge deıin áreket etedi.
Búgin Úndistanda koronavırýstan kóz jumý jaǵdaılary men ınfektsııany juqtyrý kórsetkishi boıynsha jańa rekord jańartyldy. Ótken táýlikte: 412 618 adamnan koronavırýs ınfektsııasy anyqtalǵan bolsa, 3 982 adam aýrýdan qaıtys boldy.
