Úndistanda koronavırýstan bir táýlikte 4 529 adam qaıtys boldy

NЬıÝ-DELI. QazAqparat – Úndistannyń Densaýlyq saqtaý jáne otbasylyq ál-aýqat mınıstrligi ótken táýlikte koronavırýs ınfektsııasyn juqtyrýdyń 267 334 jaǵdaıyn anyqtady, elde epıdemııa bastalǵaly beri aýrýǵa shaldyqqandardyń jalpy sany 25 496 330-ǵa jetti, dep habarlaıdy QazAqparat.

Vedomstvonyń resmı saıtyndaǵy málimet boıynsha, ótken táýlikte 4 529 ólim jaǵdaıy tirkelgen. Elde koronavırýstan kóz jumǵandardyń jalpy sany – 283 248 adam.

Ólim jaǵdaılarynyń tirkelgen táýliktik ósimi Úndistan úshin qatarynan ekinshi ret antırekord kórsetti. Bir kún buryn ınfektsııanyń asqynýynan 4 329 ólim jaǵdaıy anyqtaldy. 24 saǵat ishinde qaıtys bolǵandardyń sany osy aıda toǵyzynshy ret 4 myń adamnan asty.

Degenmen sońǵy ýaqytta aýrý juqtyrǵandardyń táýliktik sany birshama tómendegeni baıqalady: 17 mamyrda Úndistan koronavırýs juqtyrýdyń 281 386 jańa jaǵdaıyn tirkedi.

Aıta keteıik kúnine 300 myńnan az kórsetkish 21 sáýirden bastap (sol kúni 295 041 adam aýrýǵa shaldyqqan) alǵash ret baıqaldy, al 18 mamyrda 263 533 adamnyń kokronavırýs juqtyrǵany tirkeldi.