Úndistanda koronavırýspen aýyrǵandar qatary kúrt azaıdy

NUR-SULTAN. QazAqparat - Úndistan turǵyndary koronavırýstyq ınfektsııaǵa qarsy álemdegi eń iri vaktsınatsııa baǵdarlamasy kezinde 2 mıllıard doza vaktsına aldy. Bul jetistikpen halyqty Premer-mınıstr quttyqtady, dep habarlaıdy QazAqparat.

COVID-19 taralýyna jol bermeý jónindegi vedomstvoaralyq komıssııanyń málimetinshe, Úndistanda 18 aı buryn koronavırýsqa qarsy jalpyulttyq tegin vaktsınatsııa naýqany bastaldy. Qazirgi ýaqytta eresek turǵyndardyń 98 %-y vaktsınanyń kem degende bir dozasyn aldy, 90 %-y tolyq egildi. Vaktsınalardy 12 men 18 jas aralyǵyndaǵy úndisterdiń 80 %-dan astamy aldy. Vaktsınatsııalanǵan balalardyń sany Úndistanda 50 mıllıonnan asty.

«Eýropada juqtyrýdyń kezekti ósýi jalǵasýda. Qazir eń joǵary kórsetkishter Germanııada, onda kúnine 140 myńnan astam jaǵdaı tirkeledi, bul - eldegi naýryz aıynyń sońynan bergi eń joǵary kórsetkish. Sonymen qatar, ótken aptada aımaqta aýrýshańdyq boıynsha birinshi oryn alǵan Frantsııada qazir azdap tómendeý baıqalady - kovıd 120 myń turǵynda tirkelgen. Italııada kórsetkishter shamamen birdeı deńgeıde», - dep jazdy komıssııa.

Latyn Amerıkasy elderinde ınfektsııanyń taralý qarqyny turaqtandy. Máselen, Meksıkada ótken aptada, aldyńǵy uqsas kezeńdegideı, kúnine 30 myńǵa jýyq jaǵdaı tirkeldi, bul aqpan aıynyń deńgeıine sáıkes keledi.

Eń joǵary kórsetkishter Brazılııada áli de bar, onda kovıd shamamen 70 myń adamnan anyqtalǵan. Infektsııa juqtyrýdyń osy deńgeıi úsh aptaǵa sozylýda.

«Birqatar Azııa elderiniń bıligi kovıdtiń jańa, jetinshi tolqyny týraly aıtýda. Ótken aptamen salystyrǵanda ósim eki esege jýyq boldy.

Ońtústik Koreıada kúrt ósý baıqalady, onda kún saıyn ınfektsııa juqtyrýdyń 40 myń jaǵdaıy tirkelýde. Sonymen qatar, Úndistanda ósý toqtap qaldy - elde eki apta qatarynan 20 myńǵa jýyq turǵyn koronavıýrs ınfektsııasyn juqtyrdy», - delingen habarlamada.

Foto: en.kabar.kg