Úndistanda koronavırýs juqtyrýshylardyń táýliktik ósimi rekordtyq kórsetkishke jetti
Ótken táýlikte elde koronavırýstyń jańa túrin juqtyrýdyń 200 739 jaǵdaıy tirkeldi. Bul – pandemııa bastalǵaly Úndistanda bir kún ishinde tirkelgen ınfektsııa juqtyrýshylardyń eń joǵary kórsetkishi.
Elde aýrýǵa shaldyǵýshylar sanynyń ósimi osymen 36-kún baıqalýda. Úndistanda vırýs juqtyrýshylardyń jalpy sany 14 mılıonnan asty.
El astanasy Nıý-Delıde onnan astam qonaq úı men banket zaldaryn aýrýhanalar janyndaǵy COVID-19 ortalyqtaryna aınaldyrý josparlanýda. Sondaı-aq Mýmbaıda vırýstyń taralýyn tejeý boıynsha jańa sharalar qabyldandy. Qalanyń kóptegen kásiporyndary men qoǵamdyq oryndary jabyldy, adamdardyń júrip-turýyna 15 kúnge shekteý qoıyldy.
Sonymen qatar eldiń Densaýlyq saqtaý mınıstrligi sońǵy táýlikte koronavırýstan bolǵan 1038 ólim jaǵdaıy týraly habarlady. COVID-19 vırýsynan kóz jumǵandardyń jalpy sany – 173 123 adam.
Úndistan aýrý juqtyrýshylardyń jalpy sany boıynsha álemde AQSh-tan keıingi ekinshi orynda. Al koronavırýstan bolǵan ólim jaǵdaılarynyń sany boıynsha AQSh, Brazılııa men Meksıkadan keıingi tórtinshi orynda.
