Úndistanda koronavırýs sábıden anyqtaldy
NЬıÝ-DELI. QazAqparat – Úndistannyń Kerala shtatynda dárigerler úsh jasar baladan koronavırýs indetin anyqtady, dep habarlaıdy «Qazaqparat» HAA NDTV-ǵa silteme jasap.
Bul Úndistanda koronavırýstyń baladan anyqtalýynyń alǵashqy oqıǵasy. Kerala shtatynda turatyn ul bala ata-anasymen Italııaǵa saıahattap, ótken senbide Úndistanǵa oralǵan. Ushaq qonǵan soń, otbasy Kochı áýejaıynda tekseristen ótken. Ata-anasy men bala jergilikti aýrýhanada karantınge jatqyzyldy. Sol kezde sábıden aýrý belgileri paıda bolyp, indetke shaldyqqany rastaldy.
Bul oqıǵadan bólek, taıaýda Iranda bolyp kelgen 63 jastaǵy áıelden de koronavırýs anyqtalyp otyr. Bul – Djammý men Kashmır aýmaǵynda indetke shaldyǵýdyń birinshi jaǵdaıy.
Búginde Úndistanda COVID-19 vırýsyna shaldyǵýdyń 43 oqıǵasy tirkeldi. Eldiń Densaýlyq saqtaý mınıstrligi ókilderiniń málimetinshe, ınfektsııany juqtyrýdyń taǵy bir jaǵdaılary týraly Delı men Ýttar-Pradeshten habarlanǵan.
Aıta ketsek, búginde Katar memleketi koronavırýsqa baılanysty 14 elden, sonyń ishinde Úndistannan keletin saıahattaýshylarǵa elge kirýge ýaqytsha tyıym saldy.
Koronavırýsty 100-den astam elde 100 myńnan astam adam juqtyrdy, 3 myńnan astam adam kóz jumdy.
