Úndistanda kópirden avtobýstyń qulaýy saldarynan 13 adam qaza tapty
ASTANA. QazAqparat - Úndistandyq Chhattısgarh shtatyndaǵy kópirden avtobýstyń qulaýy saldarynan shamamen 13 adam qaza tapty, 53 adam jaraqattandy.
Oqys oqıǵa 4 mamyrda jergilikti ýaqytpen saǵat 22:30 oryn aldy. India Today basylymy habarlaǵandaı, burylatyn jerde júrgizýshi mototsıkldi baıqaǵan. Ony qaǵyp ketpes úshin rýldi shuǵyl burǵan. Saldarynan kólik kópirden qurǵap qalǵan ózen saǵasyna qulady.
Jergilikti polıtsııa ókilderiniń sózderine qaraǵanda, apat qurbandarynyń sany artýy múmkin. Óıtkeni 16-dan astam adamnyń jaǵdaıy aýyr.
