Úndistanda kóp qabatty úıdiń shatyrynan kúshikti laqtyrǵan stýdent izdestirilýde
ASTANA. QazAqparat - Úndistanda áleýmettik jelilerdiń paıdalanýshylary záýlim ǵımarattyń shatyrynan kúshikti laqtyrǵan medıtsınalyq kolledj stýdentin izdestirýde.
Bul týraly «Lenta.ru» Mashable-ge silteme jasap habarlady.
Osyǵan deıin ǵalamtorda vıdeorolık jarııalanǵan. Onda belgisiz bireý kúshiktiń moınynan ustap ǵımarattyń shatyrynda tur. Birshama ýaqyttan soń ol kúshikti laqtyryp jiberedi. 33 sekýndtyq rolık ıttiń sońǵy ret úrýimen aıaqtalǵan. Kúshik jerge qulaý saldarynan ólip qaldy.
Vıdeo narazylyq týdyrdy. Áleýmettik jelilerdiń paıdalanýshylary men zooqorǵaýshylar zulym áreketti jasaǵan kolledjdiń sońǵy kýrsynyń Gaýtam Es esimdi stýdenti ekeni anyqtady. Qazir onyń qaıda ekeni belgisiz, er adam jasyrynyp júr. Ol týraly kez kelgen aqparat úshin júz myń rýpıı (shamamen 1,5 myń dollar) usynylyp otyr.
