Úndistanda qonýǵa bet alǵan ushaq ortasynan bólinip tústi
NUR-SULTAN. QazAqparat –Úndistannyń ońtústigindegi Kerala shtatynyń Kojıkode qalasynda Air India Express áýe kompanııasynyń 190 jolaýshysy bar ushaǵy qonar kezde apatqa ushyrady, dep habarlaıdy QazAqparat BBC agenttigine silteme jasap.
Jergilikti polıtsııa málimetinshe, kem degende eki adam qaza taýyp, 35 adam zardap shekken. Qazir áýejaı jolaǵyndaǵy apat ornynda qutqarý jumysy júrgizilip jatyr.
Jergilikti BAQ-tyń habarlaýynsha, ushaq ekige bólinip qalǵan. Reıs Dýbaıdan ushyp kelgen.
Aıta keterligi, Air India Express – Úndistan áýe tasymalynyń flagmany Air India kompanııasynyń loýkosteri.
