Úndistanda kólik rıkshamen soqtyǵysyp, 26 adam mert boldy
NUR-SULTAN. QazAqparat – Úndistannyń Maharashtra shtatynda avtobýs rıkshamen soqtyǵysyp, 26 adam qaza tapty, dep habarlaıdy QazAqparat úndistandyq Hindustan Times gazetine silteme jasap.
Apat 28 qańtar keshke eldiń batysyndaǵy Nashık qalasy aýdandarynyń birinde bolǵan. Júrdek avtobýs avtorıkshany soǵyp, saldarynan eki kólik te jol boıyndaǵy tereńdigi 18 metrlik qudyqqa qulady.
Polıtsııa málimeti boıynsha, jol-kólik oqıǵasynan keıin 32 adam aýrýhanaǵa jatqyzyldy. Qaza tapqandar arasynda eki jasar eki bala men 13 áıel bar.
Apat bolǵan jerdegi qutqarý jumysy aıaqtaldy. Qaıǵyly oqıǵanyń sebepteri anyqtalyp jatyr. Jergilikti bılik ókilderiniń aıtýynsha, jol-kólik oqıǵasyna avtobýs dóńgeleginiń jarylýy sebep bolýy múmkin.
