Úndistanda kilem toqıtyn fabrıkada qýatty jarylys boldy
ASTANA. QazAqparat - Senbi kúni tańerteń Úndistannyń soltústigindegi Ýthar-Pradesh shtatynda kilem toqıtyn fabrıkada qýatty jarylys boldy. Saldarynan kem degende 10 adam qaza boldy, dep habarlaıdy QazAqparat NDTV telearnasyna silteme jasap.
Jarylystyń kúshti bolǵany sonshalyq fabrıka ǵımaraty jermen jeksen bolǵan. Sondaı-aq jaqyn mańda ornalasqan úsh turǵyn úı qulady.
Apattyń naqty sebebi ázirge belgisiz. Biraq ónerkásiptik nysannyń aýmaǵynda feıerverkter daıyndaıtyn zańsyz tseh jumys istegeni anyqtaldy.
«Jarylys bolǵan kezde fabrıkada adam az boldy. Úıindilerdiń astynda basqa adamdardyń bolýy ekitalaı», - dedi telearnaǵa polıtsııa ókili Pııýsh Shrıvastava.
Qylmystyq is qozǵalyp, tergeý jumystary bastaldy.
