Úndistanda kedeılerge azyq-túlik kartochkamen taratyla bastaıdy
ASTANA. 21 tamyz. QazAqparat - Úndistan Úkimeti kedeı otbasylaryn kartochkaly júıemen bazalyq azyq-túlikpen qamtamasyz etýdiń baǵdarlamasyn qabyldady. Taýarlardyń arasynda kúrish, bıdaı jáne basqa da astyq tuqymdastary bar. VVS-diń jazýynsha, osy azyq-túlik bul elde kedeıshiliktiń taýqymetin sezinip júrgen 800 mln. azamatyna taratylýy tıis.
Úndistannyń ulttyq kongress partııasynyń tóraıymy Sonıa Gandı memlekettik dúkenderde bıdaı alý quqyn beretin kartochkalardy bir top áıelderge taratyp úlgerdi.
Bul bastamany synǵa alǵandar jobany júzege asyrýǵa qajetti 24 mlrd. dollar memleket qazynasyn oısyratady degendi alǵa tartýda.
Quqyq qorǵaýshylardyń derekterine qaraǵanda, Úndistannyń bes jasqa deıingi balalarynyń jartysy tamaqqa jarymaıdy.
