Úndistanda «QazInd - 2019» birlesken oqý-jattyǵýy ótýde
Atalǵan oqý-jattyǵýǵa «Ońtústik» óńirlik qolbasshylyǵynyń áskerı qyzmetshileri qatycýda.
Oqý-jattyǵý aıasynda birlesken tapsyrmalardy pysaqtaý úshin, qosymsha halyqaralyq jasaq quryldy. Onyń quramyna eki elden birdeı kólemde áskerı qyzmetshi qosyldy.
«Atalmysh shara qazaqstandyq jáne úndilik áskerı qyzmetshiler arasynda jaqsy qarym-qatynasqa áser etip, sondaı-aq birlesken jedeldikti arttyrýdy pysyqtaýǵa múmkindik beredi» - dep atap ótti Úndi eli Qarýly Kúshteriniń 111-shi jeke mehenıkalandyrylǵan brıgadasynyń komandıri general Mandel.
Oqý-jattyǵýdyń jospary boıynsha birinshiden onyń qatysýshylary kedergiler jolaǵynan ótýdegi ózderiniń tapsyrmalaryn oryndady. Aldymen kedergiler jolaǵynan Úndi eliniń áskerı qyzmetshileri ótti. Keıin jattyǵý quraldarynda ózderiniń kúshterin qazaqstandyq motoatqyshtar batalonynyń áskerı qyzmetshileri baıqap kórdi.
«Polıgondaǵy kedergiler jolaǵy – bul qarapaıym jáne kúrdeli deńgeılerdi qamtıtyn, túrli quraldar jıyny. Bizge onymen tek tanysyp qana qoımaı, ótkerýge týra keldi. Bizdiń jigitter qabyrǵaǵa erlikpen órmelep, basqada kedergilerdi esh qıyndyqsyz baǵyndyrdy dep maqtanyshpen aıtýǵa bolady. Jalpy kedergilerdi qatań saqtap, jaýyngerlik rýhtyń joǵary deńgeın kórsetti» - dedi «Ońtústik» óńirlik qolbasshylyǵynyń 43062 áskerı bólim shtaby bastyǵy kapıtan Qaıyrjan Tekebaev.
Arqanmen tómen túsýdi pysyqtaý qatysýshylar úshin mańyzdy synaqtardyń biri boldy. Áskerı qyzmetshiler aldymen bes metr qashyqtyqtan, keıin on metr qashyqtyqta túsýdi oryndady.
Qatysýshylarǵa oqý-jattyǵýlardaǵy qıyn syndardyń biri bolyp jer betinde qalyqtap turǵan tikushaqtan arqan arqyly túsirýdi pysyqtaý boldy. Oqý-jattyǵýlar barǵan saıyn kúsheıe tústi. Sheshýshi kezeń jáne synaq bolyp jer betinen 15 metr bıiktikte turǵan tikushaqtan arqan arqyly túsýdi oryndaý boldy. Qazaqstandyq áskerı qyzmetshiler bul jattyǵýda jetkilikti tájirıbesi bar úndi áskerı qyzmetshilerimen birdeı deńgeıde tapsyrmany sátti oryndap shyqty.
Belgilengen jaýyngerlik aımaqqa jeke quramdy tez arada jetkizý pysyqtap, jıyntyq taktıkalyq toby terrorızmge qarsy operatsııanyń elementterin júrgizýge kóshti. Bul úshin mektepke uqsaıtyn arnaıy qurylys jeri qoldanylyp, mundaǵy oqý-jattyǵýlar qarýlanǵan zańsyz quralymdy basyp alý degen oımen iske asyryldy. Oqý-jattyǵýdyń qatysýshylary operatsııany júrgizýde jaýlaryn maksımaldy nátıjeli kórsetkishpen, az shyǵynmen óz qatarlary arasynda, sondaı-aq jergilikti turǵyndar arasynda ótkizýi qajet boldy.
Qazaqstandyq-úndilik birlesken «Qaz-Ind-2019» oqý-jattyǵýlary elementterdi pysyqtaýmen jalǵasyp, oqý-jatyǵýdyń oıyna sáıkes taktıkalyq epızodtardy júrgizý qalpynda barlyq keshendik kezeńderdi aıaqtaýmen ótedi.
«Qaz-Ind-2019» oqý-jattyǵýlary 3 qazanda bastalyp, 16 qazanǵa deıin jalǵasatyndyǵyn aıtyp ótken jón. Oqý-jattyǵý Pıthoragarh qalasyna jaqyn mańdaǵy polıgonda, Delıden 500 shaqyrym jerde ótedi. Birlesken oqý-jatyǵýlar Qazaqstan jáne Úndistan Qorǵanys mınıstrlikteri arasyndaǵy ekijaqty yntymaqtastyq jospary aıasynda júrgiziledi. Oqý-jattyǵýdyń taqyryby terrorızmge qarsy operatsııalardy oryndaýda jańa ádisterdi pysyqtaý bolyp tabylady.
