Úndistanda qazaqstandyq alty balanyń júregi aýystyryldy
ASTANA. QazAqparat - Úndistanda qazaqstandyq alty balaǵa júrekterin aýystyrý boıynsha ota jasaldy. Bul týraly Ortalyq kommýnıkatsııalar qyzmetinde ótken baspasóz máslıhatynda «Ulttyq ǵylymı kardıohırýrgııalyq ortalyq» AQ basqarma tóraǵasy ıÝrıı Pıa málim etti, dep habarlaıdy QazAqparat.
«Balanyń júregin aýystyrý qajettigi týyndaǵan jaǵdaıda biz ony Úndistanǵa jiberemiz. Úndistannyń densaýlyq saqtaý júıesi júrek pen organdardy aýystyrý otasyn Úndistan azamattary úshin aqyly negizde ǵana jasaıdy. Mundaı otalar Qazaqstandaǵydaı saqtandyrýmen nemese memlekettik kómekpen jasalmaıdy. Sondyqtan, ol jaqta balaǵa arnalǵan donorlyq júrekti tabý ońaı», - dedi ıÝrıı Pıa.
El halqynyń sany az bolýyna baılanysty balalarǵa júrekti almastyrý otasy eresekterge qaraǵanda anaǵurlym az qajet etiledi. Balalarǵa júrek transplantatsııasy boıynsha 56 ota jasaldy.
«Qazirgi ýaqytta balalardyń júregin aýystyrý týraly zań jobasy Úkimette qaralyp jatyr. Árıne, mundaı otalardy shetke shyqpaı-aq, ózimizde jasaǵan únemdi bolar edi. Biraq, búginge deıin Qazaqstannnyń birde-bir klınıkasynda balaǵa yqtımal donor tabylǵan joq», - dep basa aıtty dáriger.
Atap ótken jón, Ulttyq ǵylymı kardıohırýrgııalyq ortalyǵy ókpeni aýystyrý otalaryn jasaı bastady. Qazaqstanda mundaı otany ótkizetin tehnıkalyq jáne uıymdastyrýshylyq múmkindikter jetkilikti.
«Ókpeni transplantatsııalaý boıynsha Mınnesotada daıyndyqtan óttik. Ótken jyldan beri 6 ota jasadyq. Donorlyq ókpeni tasymaldaýǵa jáne daıyndaýǵa qajetti arnaıy qurylǵyny aldyq jáne bolashaqta da ota jasaýdy jalǵastyra beremiz. Odan bólek, eger ókpe transplantatsııaǵa daıyn bolmasa, bul júıede organdy emdeıtin múmkindik bar», - deıdi ıÝ.Pıa.
