Úndistanda qaıyq aýdarylyp, 11 týrıst ajal qushty
ASTANA. QazAqparat - Úndistannyń ońtústigindegi Tamılnad shtaty aýmaǵyndaǵy Bengal shyǵanaǵy jaǵalaýynda serýendep júrgen týrısterdiń qaıyǵy aýdarylyp, toǵyz adam qaza tapty, ekeýi iz-túzsiz joǵalǵan.
Mert bolǵandardyń arasynda alty bala bar. Bul týraly ulttyq NDTV telearnasy habarlady.
Týttıkorın okrýginiń órtten qutqarý qyzmetiniń derekterine qaraǵanda, týrıster toly qaıyq túske taman Chennaı shtatynyń astanasynan 600 shaqyrym jerdegi Manapadı eldi mekenine jaqyn jerde aýdarylǵan. Qutqarylǵan 19 adamnyń birnesheýi aýyr jaraqattanǵan. Olar jaqyn mańdaǵy aýrýhanaǵa jetkizildi.
«Qolda bar derekterge qaraǵanda, shyǵanaqta serýendeýge Tırýchendýr qalasynan demalýǵa kelgen eki otbasy ótinish bildirgen»,-dep málim etti okrýgtik kollektor Ravı Kýmar. -Ázirge jolaýshylardyń naqty sany belgisiz bolyp otyr. Óıtkeni, serýendeýdi uıymdastyrýshylar - jergilikti balyqshylar. Olar jazalaýdan qorqyp, oqıǵa ornynan qashyp ketken».
Qutqarý operatsııasy aıaqtaldy. Qylmystyq is qozǵalyp, qaıyq ıelerine izdeý jarııalandy.
