Úndistanda qaıyq aýdarylyp, 10 adam sýǵa ketti
ASTANA. QazAqparat - Úndistanda sársenbi kúni keshqurym Mahandı ózeninde adamdar shekten tys kóp mingen qaıyq aýdarylyp, segiz balany qosqanda 10 adam sýǵa batyp ketti, dep habarlaıdy Hindu basylymy.
Gazettiń derekterine qaraǵanda, 20 adamǵa eseptelgen qaıyq bortynda jurtqa tanymal Hýkıtola aralynan serýennen qaıtyp kele jatqan 55 adam otyrǵan.
Úsh áıel qaıyqqa bir jaǵynan minýge áreket jasaǵan kezde ol aýdarylyp ketken.
Sýǵa batyp bara jatqandardyń janushyrǵan aıqaıyn estigen jergilikti turǵyndar kómekke umtylǵan. Olar adamdardyń jaǵaǵa shyǵýyna, artynan qaza tapqan toǵyz adamnyń denesin sýdan shyǵarýǵa kómektesti.
