Úndistanda karantın taǵy eki aptaǵa uzartyldy
NЬıÝ-DELI. QazAqparat – Jeksenbi kúni Úndistan COVID-19 koronavırýsynyń jańa shtamynyń taralýyn toqtatý úshin elde qatań karantın sharalaryn taǵy eki aptaǵa uzartý týraly jarııalady, dep habarlaıdy QazAqparat WAM agenttigine silteme jasap.
Elde karantın 25 naýryzda engizilgen bolatyn. Biraq osy aıdyń basynda karantın sharalary birtindep alyna bastaǵan edi.
Úndistanda COVID-19 vırýsyn juqtyrýdyń jańa jaǵdaılary táýligine rekordty kórsetkish - 4 987 adamǵa jetkende, eldiń ishki ister mınıstrligi karantındi uzartý týraly sheshim qabyldady.
Sońǵy derekter boıynsha Úndistanda koronavırýstan kóz jumǵandar sany 2872 adamǵa jetti. Densaýlyq saqtaý jáne áleýmettik qamtamasyz etý mınıstrligi qazirgi ýaqytta 34 108 patsıent saýyǵyp shyqqanyn atap ótti.
Іshki ister mınıstri Adjaı Bhalla karantınniń aıaqtalýyna alty saǵat qalǵanda (jeksenbi kúni saǵat 12:00-de) ishki jáne halyqaralyq áýe tasymaldaý qyzmeti mamyr aıynyń sońyna deıin toqtaıtynyn málimdedi. Sondaı-aq qalalarda metro da júrmeıdi.
Barlyq oqý orny áli ashylmaıdy, onlaın oqý oqytý jalǵasa beredi. Qonaqúıler, meıramhanalar, kınozaldar, saýda ortalyqtary, sportzaldar, basseınder, teatr men sport keshenderi de burynǵysha belgilengen karantın rejımi aıaqtalǵanǵa deıin jabyq kúıinde qalady.
Dinı sharalar ótkizýge 31 mamyrǵa deıin tyıym salynǵan. Úndistanda qatań komendanttyq saǵat kún saıyn saǵat 19:00-den 07:00-ge deıin engiziledi.
