Úndistanda karerdegi jarylys saldarynan 10 adam qaza tapty
NUR-SULTAN. QazAqparat – Andhra-Pradesh shtaty Kadapa aýdanyndaǵy karer jarylysy saldarynan kem degende 10 adam qaza tapty, birneshe adam jaraqat aldy. Bul týraly QazAqparat Times of India gazetine silteme jasap habarlaıdy.
Basylym dereginshe, ishine jarylǵysh zat salý úshin granıtte tesikter burǵylaý kezinde jarylys bolǵan. Zattardyń kóptiginen jarylys birden bolady. On adam birden qaza tapty, jaraqat alǵandar aýrýhanaǵa jetkizildi.
Mán-jaıdy anyqtaý úshin aýdan ákimdigi ókilderi men polıtsııa oqıǵa ornyna attandy.
Gazettiń habarlaýynsha, karerdegi jumys tıisti ruqsatsyz júrgizilgen bolýy múmkin.
