Úndistanda qabyrǵa opyryla qulap, 9 adam qaza tapty
NЬıÝ-DELI. QazAqparat – Úndistannyń Haırabad qalasynda birneshe qurylystyń ortaq qabyrǵasy opyryla qulap, saldarynan toǵyz adam qaza tapty, arasynda kishkentaı bala bar. Bul týraly QazAqparat NDTV telearnasyna silteme jasap habarlaıdy.
Oqys oqıǵa seısenbi kúni keshke oryn alǵan. Qabyrǵanyń qulaýyna nóser jaýynnan týyndaǵan sý basý jaǵdaıy sebep boldy.
Oqıǵa ornynda qutqarý jumystary júrgizilýde.
Sońǵy úsh táýlikte Haırabad ornalasqan Telangana shtaty men kórshiles Andhra-Pradesh shtatynda tolassyz jaýǵan jańbyr sý deńgeıiniń kóterilýi men birqatar aýdandardy sý basýyna sebep bolyp otyr. Haırabad kóshelerinde kólik qozǵalysy qıyndady.
Nóser jaýyn ǵımarattardyń opyrylyp qulaýyna sebep bolyp otyr. Budan bir táýlik buryn osyǵan uqsas oqıǵa saldarynan Telanganada eki adam qaza tapqan.
Meteorologtar jańbyrdyń áli de toqtaýsyz jaýatyndyǵyn eskertti.
