Úndistanda qabylannan qashqan polıtseı shatyrdan sekirip ketti
ASTANA. QazAqparat - Úndistanda Odısha provıntsııasynyń shyǵysyndaǵy ormanmen shektesip jatqan Kantabandjı qalasyna qabylan kirip ketti, dep habarlaıdy
Kenttegi qoımalardyń birine jasyrynǵan jyrtqyshty qolǵa túsirý ońaıǵa soqpady. Qabylandy syrtqa shyǵarý úshin áreket etken polıtsııa qyzmetkeri ózine tap bergen jyrtqyshtan qutylý úshin shatyrdan sekirip ketti.
Indian Express basylymynyń jazýyna qaraǵanda kenttegilerdiń úreıin ushyrǵan qabylandy quryqtaý úshin jurtshylyq 12 saǵat áýre-sarsańǵa túsken. Osy áýreshiliktiń tek sońǵy jaǵyn qaýipsiz jerden baqylaǵandar vıdeoǵa túsirip alǵan.
Basylymnyń jazýyna qaraǵanda, basyn qaterge tikken polıtseı zardap shekken. Qabylan sonymen qatar, úsh adamǵa jaraqat salǵan. Qazir torǵa qamalǵan qabylan eldiń shyǵysyndaǵy Nandankenen qoryǵyna jiberilmekshi.
