Úndistanda ishimdikten ýlanǵandardyń sany 90 adamǵa jetti
ASTANA. QazAqparat - Úndistanda kontrafaktilik alkogol ónimderinen ýlanǵandardyń sany 90 adamǵa jetti. Bul týraly batys BAQ-tary habarlap otyr.
17 maýsymda Mýmbaıdyń shetki aýdandarynda turatyn turmysy tómen adamdar densaýlyqtaryna baılanysty shaǵymdana bastaǵan. Bılik kózderiniń aqparatynsha, sapasyz ishimdikten kóz jumǵandardyń sany 100 adamnan asýy múmkin.
Aýrýhanalarda 40-tan astam adam jatyr. Bul rette medıtsınalyq mekemelerge ýlanǵan patsıentter áli de jetkizilýde.
Ýlaný oqıǵasy boıynsha kontrafaktilik spırttik ishimdikterdi shyǵaryp, satýmen aınalysqan bes adam qamaýǵa alynǵan. Zańsyz bıznespen aınalysýǵa jol berip, adamdardyń ólimine soqtyrǵan selqostyq tanytqan polıtsııanyń segiz ofıtseri jumystan shyǵaryldy.
