Úndistanda hramǵa birin-biri basa kirgenderdiń 11-i adam ajal qushty
ASTANA. QazAqparat - Úndistanda hramǵa kirer kezinde 11 adam qysylyp óldi. Sonymen qatar ondaǵan japa shegýshi aýrýhanaǵa tústi.
Oqys oqıǵa búgin tańerteń bolǵan. Deogarh qalasy ındýısterdiń qulshylyq etetin iri ortalyqtarynyń biri bolyp esepteledi.
Baıdıanath djotırlıngı (shıvaıstik hram) qabyrǵalarynyń mańyna myńdaǵan adam jınaldy. Qaqpa ashylǵanda, abyr-sabyr bastalyp, adamdardyń qysylýyna soqtyrdy. Kelgenderdiń barlyǵy hramǵa kirýge asyqqan. Saldarynan Djarkhand (Úndistannyń shyǵysy) shtatyndaǵy Shıva hramynda kem degende 11 adam qaza tapty.
Jergilikti BAQ-tyń habarlaýynsha, shamamen 20 adam túrli jaraqat aldy.
