Úndistanda «Hadhad» quıyndy daýylynan qaza tapqandar sany 24-ke jetti
ASTANA. QazAqparat - Úndistannyń Orıssa, Andhra-Pradesh shtattarynda «Hadhad» quıyndy daýyly turyp, 24 adam qaza boldy, dep habarlady VVS.
Tsıklonnan qatty zardap shekken, Andhra-Pradeshtegi Vısakhapatnam qalasy boldy, onda 15 adam qaza tapty.
Eki shtat boıynsha, 400 myńdaı adam qaýipsiz jerge kóshirilip, ýaqytsha lagerlerge ornalastyryldy.
Meteorologtardyń boljamy boıynsha, sý tasqyny bolýy múmkin. Óıtkeni, mamandardyń aıtýynsha, taıaý kúnderi Úndistannyń shyǵysyndaǵy alty shtatta nóser jaýyn bolady.
Eldiń Premer-Mınıstri Narendra Modı apat shyǵynyn anyqtaý úshin zardap shekken aýdandardy aralamaq.
