Úndistanda H3N2 tumaý vırýsynan alǵashqy ólim tirkeldi
ASTANA. TASS-QazAqparat - Úndistannyń densaýlyq saqtaý jáne otbasy ál-aýqaty mınıstrligi juma kúni elde A (H3N2) tumaýy vırýsyn juqtyrý saldarynan birinshi ólim jaǵdaıy tirkelgenin habarlady. Bul týraly QazAqparat TASS aqparat agenttigine silteme jasap habarlaıdy.
1 naýryzda ońtústiktegi Karnataka shtatynda 87 jastaǵy naýqas qaıtys boldy.
Júrgizilgen taldaý onyń ólimine H3N2 vırýsy sebep bolǵanyn kórsetti, dep habarlady PTI agenttigi.
Eldiń densaýlyq saqtaý mınıstrliginiń buıryǵymen Karnatakada H3N2 ınfektsııasynyń belgileri bar naýqastardy anyqtaýdyń kúsheıtilgen rejımi engizilip, indetpen kúres sharalary júrgizilip jatyr.
A vırýsy (H3N2) Gonkong tumaýy dep te atalady. Buǵan aýrýdyń 1968-1969 jyldary Gonkongta pandemııaǵa aınalýy sebep.
Pandemııa eki aptada sharyqtaý shegine jetti. Sodan keıin vırýs bir mıllıon adamnyń, negizinen egde jastaǵy adamdardyń ólimine sebep boldy.
