Úndistanda ǵımarat opyryla qulap, 13 adamdy basyp qaldy
NUR-SULTAN. QazAqparat – Úndistannyń soltústigindegi Hımachal-Pradesh shtatynda kópqabatty ǵımarat qulap, 13 adam ajal qushty. Bul týraly dúısenbi kúni NDTV telearnasy quqyq qorǵaý organdaryna silteme jasap habarlaıdy.
Qutqarý operatsııasy barysynda úıindilerdiń astynan 17 adam qutqaryldy. Olardyń beseýi – áskerı qyzmetker. Zardap shekkender aýrýhanaǵa jetkizildi.
Aldyn ala málimetterge sáıkes, ǵımarat tolassyz jaýǵan jańbyrdyń saldarynan qulaǵan bolýy yqtımal. Shtat basshysy Djeı Ram Thakýrdyń aıtýynsha, ǵımarattyń qurylysy tehnıkalyq talaptarǵa sáıkes bolmaǵan.
