Úndistanda ǵıbadathana órtendi: 100 shaqty adam qaza taýyp, 350-deıi jaraqat aldy
ASTANA. QazAqparat - Úndistanda dinı mereke kezinde ǵıdatahanada alapat órt bolyp, saldarynan 102 adam adam qaza tapty, 350 adam jaraqat aldy. Tótenshe oqıǵa eldiń ońtústik-batysyndaǵy Kerala shtatynyń Kollam qalasynda oryn alǵan. Bul týraly newsru.com saıty habarlaıdy.
Pýttıngal ǵıbadathanasynda dinı merekege 15 myńǵa jýyq adam jınalǵan. Dinı mereke dástúrleriniń biri - otshashýlardy atý. Jergilikti qaýymdar ot shashý atýdan jarysady.
Merekeden buryn ǵıbadathana aldyna pırotehnıka ákelinip, úıilip jatqan. Kýágerler pırotehnıkany jandyrýdan ǵıbadathana bezendirilgen jasandy gúlderden jasalǵan ilme shamdar órtengenin aıtty. Sonyń oty ot shashýǵa tıip ketip, arty úlken órtke aınalǵan.
Jergilikti turǵyndar dinı merekeni toılaǵan Pýttıngal ǵıbadathanasy tolyq órtenip ketti. Zardap shekken barlyq adamdar qaýipsiz jerge shyǵarylyp, jergilikti aýrýhanalarǵa jetkizildi.
«Úkimet mereke kezinde ǵımaratqa jaqyn jerde ot shashý paıdalanbaý týraly tyıym jarııa etken. Alaıda ol Pýttıngalde oryndalmaǵan», - dep málimdedi shtattyń bas mınıstri Kreala Oýmmen Chandı.
