Úndistanda gaz qubyry jarylyp, 13 adam qaza tapty
ASTANA. QazAqparat - Úndistanda Andhra-Pradesh shtaty arqyly ótetin gaz qubyry jarylyp, órt shyqty. Onyń saldarynan keminde 13 adam qaza tapty, dep habarlady RIA «Novostı».
Qutqarýshylar qyzmeti qurbandardy izdestirýdi jalǵastyrýda. Ondaǵan úıler janyp ketti. Bılik jaqyn mańdaǵy aýyl turǵyndaryn shuǵyl qaýipsiz jerge kóshire bastady.
Gaz qubyryndaǵy órtti aýyzdyqtaý úshin birneshe saǵat ketti.
Jarylystyń neden bolǵany belgisiz.
Habarlamalardyń birine qaraǵanda, yzaly jergilikti turǵyndar jaqyn mańdaǵy munaı óńdeý zaýytyna shabýyldaǵan. Olar tas laqtyryp, múlikti zaqymdaǵan.
