Úndistanda gaz ballony jarylyp, jeti adam mert boldy
NЬıÝ-DELI. SINЬHÝA-QazAqparat – Úndistannyń soltústigindegi Ýttar-Pradesh shtatynda turmystyq gaz ballony jarylyp, jeti adam opat boldy, taǵy jeti adam zardap shekti, dep habarlaıdy QazAqparat Sınhýa agenttigine silteme jasap.
Eki úıdi qıratqan jarylys Ýttar-Pradesh shtatynyń ákimshilik ortalyǵy Lakhnaýdan shyǵysqa qaraı 158 km jerde ornalasqan Gonda aýdanyndaǵy Tıkrı aýylynda bolǵan.
«Keshe keshke bizge tsılındrdiń jarylǵany týraly qońyraý tústi. Jarylys saldarynan turǵyn úıdiń tóbesi qulaǵan», - dedi BAQ-qa polıtseı Santosh Kýmar Mıshra.
«Biz oqıǵa ornyna birden jettik jáne jergilikti turǵyndardyń kómegimen qutqarý jumystaryn júrgizdik. Úıindiler astynan 14 adam shyǵaryldy, olardyń jeteýi qaza tapqan, al taǵy jeteýi aýrýhanada emdelýde», - dedi ol.
Onyń aıtýynsha, mert bolǵandardyń arasynda eki er adam, eki áıel jáne úsh bala bar.
Oqıǵa boıynsha tergeý júrgizilýde.
