Úndistanda ǵalamtorda jyr bolǵan semiz polıtseıge tegin ota jasaldy
ASTANA. QazAqparat - Úndistanda artyq salmaǵy úshin kemsitilgen Daýlatram Djogavat esimdi polıtseıge Mýmbaıdaǵy klınıkada bolashaqta salmaq tastaýǵa múmkindik beretin tegin hırýrgııalyq ota jasaldy, dep habarlaıdy BBC.
Er kisi emdeý sharalary aıaqtalǵannan keıin óziniń sáttiligine «kináli» bolǵan tanymal úndi jazýshysy Shobhý Dege syrttaı alǵysyn aıtty. Dál osy jazýshy aqpan aıynyń sońynda óziniń Týıtterdegi paraqshasyna jergilikti saılaý naýqanynda polıtsııanyń qaýipsizdikti «kúsheıtkenin» jazyp, tártip saqshysynyń sýretin jarııalaǵan edi.
Osy jazba qoldanýshylardyń arasynda qyzý talqylanyp, ony 16 myń adam unatqan. Kóptegen qoldanýshylar jazýshyǵa kiná taqqanymen, osy kelte jazba (týıt) arqyly polıtseı tanymal bolyp ketti. Úndistandyq BAQ-ta osy taqyrypta kelemej sýretter tarala bastady.
Jazbanyń «jyry» Mýmbaıdaǵy aýrýhanaǵa da jetken. Sodan soń Daýlatram Djogavatqa tegin ota jasaý týraly usynys kelip tústi. Er kisiniń salmaǵy buǵan deıin 180 keli bolǵan. Dárigerlerdiń aıtýynsha, otadan keıin onyń 80 kelige deıin salmaq tastaýǵa múmkindigi bar.
