Úndistanda fabrıkada jarylys bolyp, 22 adam qaza tapty
NUR-SULTAN. QazAqparat - 2017 jyly jarylys bolǵan bul fabrıkany Úndistan úkimeti jappaǵan edi. Endi osy kásiporynda taǵy jarylys bolyp, keminde 22 adam qaza tapty, dep habarlaıdy The Guardian.
Eski fabrıkada jarylys saldarynan ǵımarat tutastaı janyp ketti. Polıtsııa qyzmetkeri Mýhtıar Sıngh sársenbi kúni bolǵan jarylystan 15 adam qaza tapqanyn habarlaǵan edi, qazir baqılyq bolǵandardyń sany 22-ge jetti. Fabrıka Pendjab shtatynda, Nıý-Delıden 460 shaqyrym jerde ornalasqan. Sıngtyń málimetinshe, qutqarý jumystary júrgizilip jatyr.
Shtat úkimetiniń ákimshisi Dıpak Bhatııa jarylystyń sebebi zerttelip jatqanyn aıtty.
Saıasatker Bıkram Sıngh Matıdja bul fabrıkanyń zańsyz túrde jumys istegenin aıtyp, zań organdaryn jaýapqa alýdy talap etip jatyr. Turǵyndary bar aýdanda ornalasqan fabrıka lıtsenzııasyz birneshe jyl boıy jumys istegen. 2017 jyly dál osy fabrıkada jarylys bolyp, 1 adam qaza tapqan edi.
Fabrıka otshashýlar shyǵarýmen aınalysady.
