Úndistanda erler ǵana kiretin ǵıbadathanany áıelder «basyp almaq» bolǵan
ASTANA. QazAqparat - Úndistannyń Maharashtra shtatynyń polıtsııasy nanym boıynsha tek erler ǵana kirýge ruqsat etilgen ǵıbadathanaǵa basyp kirmek bolǵan bir top áıeldiń jolyna tosqaýyl jasady, dep habarlaıdy Bı-Bı-Sı agenttigi.
Atalǵan top ózderin «Jer ananyń jaýynger áıelderi» dep ataıdy. Olar buǵan deıin atalmysh ındýıstik ǵıbadathananyń ishine kiremiz dep málimdegen.
Bir top áıel shirkeýge jaıaý kelip kirmek bolǵan, alaıda polıtsııa kedergi jasasa qajet bolar dep, aldyn ala tikushaq jaldap alypty. Olar tóbesi ashyq, syrty qorshaý qabyrǵaly shirkeýdiń ústinen ushyp kelip arqan baspaldaqpen ishke túsýdi josparlaǵan.
Dinı ǵımarattyń ishinde jergilikti turǵyndar qasıetti sanaıtyn tas ornatylǵan.
Qarsylyq sharasyna myńǵa jýyq áıelder qatysqan, dep málimdedi uıymdastyrýshylar. Alaıda olardyń jospary iske aspady. Óıtkeni ǵıbadathanany 600 polıtseı qorshap turǵan.
