Úndistanda entsefalıt tárizdi ınfektsııadan 50-den astam bala kóz jumdy
ASTANA. 3 qazan. QazAqparat - Úndistannyń soltústigindegi Bıhar shtatynda sońǵy jeti aptanyń ishinde boljam boıynsha entsefalıtten keminde 51 bala kóz jumdy, dep habarlady IANS agenttigi resmı derekkózderge silteme jasap.
Ótken juma kúninde úsh bala qaıtys bolǵan. Kóz jumǵan jáne syrqatqa ushyraǵan balalardyń kópshiligi kedeı otbasylarynan shyqqan. Іndet oshaǵy - Gaıa qalasynyń tóńiregi.
«220-ǵa jýyq bala aýrýhanalarǵa jatqyzyldy, dárigerler olardyń 20-synyń ómiri úshin arpalysýda», - dep habarlady aqparat agenttigine jergilikti ókimet ókili.
Dárigerler medıkamentter men jabdyqtar jetispeıtindigin alǵa tartady. Medıkterde tipti zamanaýı jabdyqtar joq, ınfektsııaǵa «entsefalıt» dıagnozy aýrý belgilerine qaraı qoıylýda. Syrqattardyń qan synamasy basqa shtattarǵa jiberilgen.
Shtattyń densaýlyq saqtaý mınıstri Ashvanı Kýmar Chýbeı baspasózde málimdeme jasap, ókimet oryndary aýrýhanalarda tótenshe jaǵdaı jarııalaǵanyn aıtty. Gaıa qalasyna qosymsha dárigerler brıgadalary attandyrylǵan.
Jergilikti BAQ-tyń habarlaýynsha, Gaıa tóńireginde entsefalıt indeti 2005, 2007 jáne 2009 jyldary tirkelgen. Ár joly bul aýrý ondaǵan balanyń ómirin qıyp ketti.
