Úndistanda eki basty náreste dúnıege keldi (FOTO)
ASTANA. QazAqparat - Úndistanda balanyń týylýyn kútken juptyń qýanyshtary, kishkentaı qyzdyń bir emes, eki birdeı baspen dúnıege kelgenin kórgende, sý sepkendeı basyldy.
28 jastaǵy jas ana qursaǵynda sıam egizderin kóterip júrgenin bilmegen, sebebi aqsha bolmaǵandyqtan, uryqtyń bastapqy damý satysynda ýltradybys jasatýǵa múmkindikteri bolmaǵan, dep habarlaıdy The Daily Mail.
Kesir tiligi arqyly dúnıege kelgen qyz balanyń eki basy, eki moıny bar, al denesi bireý. Shaqalaq jansaqtaý bóliminde jatyr, dárigerler onyń osy dúnıede qalýy eki talaı dep otyr. Qyzdyń basy ekeý, denesi bir bolǵandyqtan, ony ajyratý boıynsha otany jasaı almaıdy.
