Úndistanda eki apta buryn joǵalǵan poıyz tabyldy
ASTANA. QazAqparat - Úndistan bıligi eki aptadan astam ýaqyt buryn joǵalǵan jolaýshylar poıyzy tabylǵandyǵyn habarlady, dep habarlady VVS.
Bıhar shtatynda joǵalǵan poıyz Gorakhpýr - Mýzaffarpýr baǵdary boıynsha jolǵa shyqqan. Osy sapardyń basynda temirjoldaǵy apatqa baılanysty poıyzdyń kúndelikti baǵdary birshama ózgertilip, ol negizgi temirjol tarmaǵyn aınalyp, saparyn jalǵastyrady.
Quram sońǵy ret Hadjıpýr stansasynda kózge túsken jáne osydan keıin iz-túzsiz joǵalyp ketedi. Atap aıtqanda, ol 17 kún boıy tabylmaı jergilikti bılikti áýrege salǵan. Juma kúni poıyz Bahır shtatynda bolǵandyǵy anyqtaldy. Alaıda ol belgilengen baǵdardan alys jerde toqtap turǵan eken. Belgili bolǵandaı, sapar baǵdary ózgergenin estigen jolaýshylar stansalardyń birinde barlyǵy túsip ketken. Osydan keıin mashınıst negizgi temirjol tarmaǵyn aınalyp ótý baǵdaryn naqtylaý úshin dıspetcherlermen baılanysqa shyǵa almaı otyrǵan. Poıyzben baılanys bolmaǵannan keıin, quramnyń joǵalǵandyǵy týraly habar jarııalanǵan eken.
