Úndistanda Djeksonǵa arnalǵan biregeı eskertkish jasaldy
ASTANA. Aqpannyń 8-i. QazAqparat - Úndistanda Maıkl Djeksonǵa arnap jasalǵan bıiktigi 3,6 metr, salmaǵy 3,5 tonna eskertkish Neverland ranchosyna jóneltiledi,
dep habarlaıdy VVS telekompanııasy.
«Bul zamanymyzdyń uly oryndaýshysyn eske alýǵa qosqan meniń jeke úlesim. Ánshiniń rýhy bizdiń júregimizde máńgi saqtalady. Eskertkishtiń tasymaldaný shyǵynyn da men óz moınyma alamyn», deıdi eskertkishti jasaýshy kompanııanyń dırektory R.Chandrashekharan. Úndilik kásipkerdiń aıtýynsha, ol Djeksonnyń Neverland pomestesine ánshiniń eskertkishin ornatqysy keletini týraly onyń otbasyna jazǵan.
Tutas qara granıt tastan qashap jasalǵan eskertkish fırmaǵa 25 myń dollarǵa túsken. Ánshiniń eskertkishi tabıǵı tastardan jasalǵan buıymdardyń «Stona-2010» halyqaralyq kórmesinde kórsetilip, jurtshylyqty tánti etip otyr.
