Úndistanda dúnıege kelgen sábı Qazaqstan azamatynyń týý týraly kýáligin aldy
TANA. 26 qyrkúıek. QazAqparat - Úndistanda dúnıege kelgen sábı Qazaqstan azamatynyń týý týraly kýáligin aldy. Bul týraly búgingi baspasóz máslıhatynda QR Syrtqy ister mınıstrliginiń resmı ókili Asqar Ábdirahmanov málim etti.
«10 qyrkúıekte Nıý-Delıde dúnıege kelgen ıÝrıı men Natalıa Kýlıkovalardyń qyzy Zlata qaladaǵy gospıtaldardyń birinde emdelip jatyr. Elimizdiń Úndistandaǵy elshiliginiń konsýldyq aqparatyna sáıkes, oǵan týý týraly kýálik berilip, anasynyń tólqujatyna onyń dúnıege kelgendigi týraly aqparat engizildi. Sonymen qatar Nıý-Delıden kedergisiz ushý maqsatynda týý kýáligi aǵylshyn tiline aýdaryldy. Qazirgi tańda balanyń densaýlyǵy jaqsy. Náresteniń emdelýine qajetti qarajat Jambyl oblysy ákimdiginiń tarapynan tolyq kólemde jáne shuǵyl túrde aýdarylǵan bolatyn», - dedi ol.
Esterińizge sala keteıik, 10 qyrkúıek kúni Úndistanda týrıstik saparmen júrgen Qazaqstan azamatshasy Natalıa Kýlıkova salmaǵy 800 gramdyq qyz balany dúnıege ákelgen bolatyn. Nıý-Delı qalasyndaǵy klınıkanyń dárigerleri balanyń ata-anasyna egerde qyzdy kútýge qajetti aqsha tólemese, onda onyń ómirin qamtamasyz etip turǵan apparaty ajyratatyndyqtaryn málim etken.
