Úndistanda dońyz tumaýynan 300-ge jýyq adam qurban boldy
ASTANA. QazAqparat - Dertke shaldyqqan turǵyndardyń basym bóligi eldiń batys aımaǵynda ornalasqan.
Úndistannyń batysyndaǵy Maharashtra shtatynda dońyz tumaýyna shaldyqqandar sanynyń kúrt óskendigi anyqtaldy. Bul jaıly NDTV telearnasy habarlaıdy.
Jyl basynan beri 2324 adamnyń atalǵan dertke shaldyqqandyǵy tirkeldi, al 284 adam qaza tapqan. Sonymen qatar, bıylǵy jyldyń shilde aıyna qaraı H1N1 vırýsy shamamen 600 adamnyń ólimine sebep bolǵan. Maharashtra shtatynda qaıtys bolǵandar sany atalǵan tumaýdyń saldarynan búkil Úndistanda kóz jumǵandardyń 50 paıyzyn qurady. Ásirese Mýmbaıdaǵy jaǵdaı medıtsına qyzmetkerleriniń alańdaýshylyǵyn týdyryp otyr. Munda byltyrǵy jyly H1N1 vırýsymen aýyrǵan nebary úsh adam tirkelse, bıylǵy jyly bul kórsetkish 835-ke jetken, 16 adam qaza tapty.
Net tilshisiniń málimdeýinshe, buǵan deıin BUU-yna Iemendegi 400 myń adamnyń tyrysqaq aýrýyna shaldyqqandyǵy týraly tótenshe jaǵdaı habarlanǵan bolatyn. Onyń ústine eldi jappaı ashtyq jaılaǵan.
