Úndistanda dinı joralǵyǵa bara jatqan 35 adam poıyz astynda qaldy
ASTANA. 19 tamyz. QazAqparat - Úndistannyń Bıhar shtatynda keminde 35 adam poıyz astynda qalyp, mert boldy. Negizinen ol dinı joralǵylarǵa qatysyp jatqan áıelder men balalar, dep habarlaıdy RBK.
Oqıǵa Patna qalasynan 160 shaqyrym qashyqtyqta ornalasqan Dhamara temir jol stantsııasynda oryn aldy. Qolda bar málimetterge qaraǵanda, Shıva jolyn qýýshylar stantsııaǵa kelip jetip, joldan ótip bara jatqan, osy sátte saǵatyna 80 shaqyrym jyldamdyqpen kele jatqan ekspress adamdardy taptap ótken. Dhamara stantsııasy ákimshiliginiń ókilderi túsindirgendeı, poıyz bul jerde toqtaýǵa tıis emes bolatyn.
Qatty ashýlanǵan halyq poıyzǵa tas laqtyryp, vagondardy órtep jiberdi. Adamdar poıyz toqtaǵannnan keıin, mashınıske shabýyl jasady. Stantsııa qyzmetkerleriniń biri kepilge alyndy.
Aýmaqtaǵy temir jol qatynasy toqtatyldy.
