Úndistanda demalyp jatqan qazaqstandyqtardyń ushaǵy bir táýlikke keshigip jatyr
ALMATY-ATYRAÝ. QazAqparat – Úndistannyń Goa shtatynda demalǵan týrıster minetin ushaqtyń ushý merzimi bir táýlikke keshiktirilip jatyr, dep habarlaıdy QazAqparat tilshisi.
Goada demalyp jatqan qazaqstandyqtardyń biri – Alekseı Abramovtyń aıtýynsha, qazaqstandyq Sunday Airlines áýe kompanııasynyń DV492 reısi 13 qańtar kúni saǵat 23:55-te Almatyǵa ushýy kerek bolatyn. Biraq «Concord Exotic Voyages Goa» qabyldaýshy kompanııasynyń ókilderi tańerteń reıstiń 14 qańtar saǵat 20:00-ge aýystyrylǵanyn habarlady.
Qazirgi ýaqytta qonaqúıdegi bólmelerin bosatýǵa tıis týrısterdi jaıǵastyrý máselesi sheshilip jatyr.
Áýe kompanııasyndaǵylar QazAqparat tilshisine «tehnıkalyq sebepterge baılanysty bir ushaq qatardan shyǵyp qalyp», keste ózgergenin málim etti.
