Úndistanda bolat qorytýshylar menedjerdi órtep jiberdi
ASTANA. 4 naýryz. QazAqparat - Úndistanda bolat qorytýshy jumysshylar qysqartý bolady degen qaýesetke senip, ózderiniń bastyqtaryn órtep jiberdi.
«Rýsskaıa slýjba novosteı» habarlap otyrǵandaı, oqıǵa eldiń shyǵysynda boldy.
Bolat qorytýshylar jaǵymsyz jańalyqty birneshe kún ózara talqyǵa saldy, al beısenbi kúni keshkisin kásiporynǵa menedjerlerdiń biri kelgende, sirkesi sý kótermeı júrgen jumysshylardyń júıkesi syr bere bastady. Kelissózder áli bastalmasa da, bolat qorytýshylar menedjerdiń kóligine benzın quıyp órtep jiberdi. Nátıjesinde, denesiniń 90 paıyzyn kúıik shalǵan menedjer aýrýhanada qaıtys boldy. Al qysqartý máselesi qalaı sheshilgeni týraly aqparat kózi habarlamapty.
