Úndistanda bıyl koronavırýstan 798 dáriger qaıtys boldy

NЬıÝ-DELI. QazAqparat – Bıylǵy jyldyń birinshi jartysynda Úndistanda koronavırýs ınfektsııasynyń ekinshi tolqyny kezinde kem degende 798 dáriger qaıtys boldy. Bul týraly sársenbi kúni Times of India gazeti jazdy, dep habarlaıdy QazAqparat.

Vırýstan eń kóp kóz jumǵan dárigerler Delı qalasynyń astanalyq aýmaǵynda tirkelgen. Bıyl munda koronavırýstan 128 dáriger qaıtys boldy. Shyǵystaǵy Bıhar shtatynda ómirden ozǵan dárigerler sany 115 adam bolsa, soltústiktegi Ýttar-Pradeshte 79 dáriger qaıtys boldy.

Al ótken jyly búkil Úndistan boıynsha koronavırýstan 748 medıtsınalyq qyzmetker kóz jumǵan edi.

1 shilde kúni elde atap ótiletin Medıtsınalyq qyzmetkerleri kúni qarsańynda Úndistannyń premer-mınıstri Narendra Modı dárigerlerdiń koronavırýstyń taralýyna qarsy kúres júrgizý jáne mıllıondaǵan otandastarynyń ómirin qutqarýdaǵy aıryqsha úlesin atap ótti.

Ótken táýlikte dárigerler elde koronavırýs juqtyrýdyń 45 951 jańa oqıǵasyn tirkegen. Epıdemııa bastalǵaly, Úndistanda qaýipti vırýs juqtyrǵandardyń jalpy sany 30 362 848 adamǵa jetti. Qaıtys bolǵandar sany - 398 454.